«Ռենջ Ռովեր»-ի վարորդը դուրս է եկել հանդիպակաց գոտի և հարվածել «Նիսսան Պատֆայնդեր»-ին (ՖՈՏՈ, ՏԵՍԱՆՅՈՒԹ)

Այսօր` հունվարի 11-ին, ավտովթար է տեղի ունեցել Երևանում: Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, ժամը 21.00-ի սահմաններում, Երևանի Լենինգրադյան փողոցում Մարզահամերգային համալիրի հարևանությամբ «Ռենջ Ռովեր» մակնիշի 70 TT 707 համարանիշի ավտոմեքենայի վարորդը, դուրս գալով հանդիպակաց գոտի, բախվել է «Նիսսան Պատֆայնդեր» մակնիշի 17 ՍԼ 609 համարանիշի ավտոմեքենային:

Դեպքի վայր էին ժամանել Ճանապարհային ոստիկանության 1-ին սպայական գումարտակի մեծ թվով աշխատակիցներ: Նշված վայրում առաջացել էր հսկայական խցանում, քանի որ հավաքվել էին հետաքրքրասեր քաղաքացիներ, իսկ ՃՈ աշխատակիցները փորձում էին տարածքը ազատել խցանումներից:

Մինչ կժամանեին ՃՈ աշխատակիցները «Ռենջ Ռովեր»-ի վրայից հանել էին հետևի համարանիշը: Ֆոտոլրագրողը հայտնում է, որ «Ռենջ Ռովեր»-ը վարել է Արթուր Հարությունյանը, իսկ «Նիսսան Պատֆայնդեր»-ը Հովհաննես Հովսեփյանը: Դեպքի վայրում «Ռենջ Ռովեր»-ի համար վթարի վայր ժամանած ինչ-որ երիտասարդներ փորձում էին ճանապարհային ոստիկանության աշխատակիցներին համոզել, որպեսզի չարձանագրվի տեղի ունեցած ավտովթարը: ՃՈ աշխատակիցների կանչով դեպքի վայր ժամանեց Ճանապարհային ոստիկանության հետաքննիչը:

Լուսանկարները և տեսանյութը` Գագիկ Շամշյանի

{gallery}shamshyan/Range{/gallery}