Սպանություն Լոռու մարզում. ըստ ալավերդցիների` կատարվածը վենդետա է (ԼՐԱՑՎԱԾ՝ ՖՈՏՈ, ՏԵՍԱՆՅՈՒԹ)

Այսօր՝ հունվարի 12–ին, սպանություն է տեղի ունեցել Ալավերդիում։

Ինչպես Ալավերդիից ԼՈՒՐԵՐ.com–ին հայտնում է ֆոտոլրագրող Գագիկ Շամշյանը, քիչ առաջ ոստիկանության Ալավերդու բաժին է մեղայականով ներկայացել մի քաղաքացի, ում տվյալները նախաքննության շահերից ելնելով՝ ֆոտոլրագրողը այս պահին չի հրապարակում, ոստիկաններին հայտնել է, որ իր մոտ եղած հրազենով ինքը սպանել է Ալավերդու քաղաքի բնակիչ ազգությամբ հույն Գագիկ Կիլինկարովին։

Արդեն սպանության վայր են ժամանել ոստիկանության Լոռու մարզային վարչության և Ալավերդու բաժնի աշխատակիցները մարզային վարչության պետ Անուբախ Համբարյանի գլխավորությամբ։ Դեպքի վայր են ժամանում ոստիկանության քննչական գլխավոր վարչության Լոռու մարզի քննչական բաժնի քննիչները քննչական բաժնի պետ Գագիկ Իսպիրյանի գլխավորությամբ։ Նրանց հետ է նաև ժամանել փորձագետը։ Ալավերդցիներ ֆոտոլրագրողին պատմել են, որ հնարավոր է սպանությունը կատարված լինի վրեժխնդրության համար, քանի որ մի քանի տարի առաջ մեկ այլ աղմկահարույց հանցագործություն էր տեղի ունեցել։ Այս Կիլինկարովները սպանել էին այսօրվա սպանություն կատարողի եղբորը։

Ֆոտոլրագրողը հայտնում է նաև, որ ազդրի մասում հրազենային վնասվածքով Ալավերդու բժշկական կենտրոն է տեղափոխվել Արմեն Կոստանդյանը, իսկ սպանությունը կատարել է Ալավերդու բնակիչ Վասիլ Շահվերդյանը, ով, ըստ ալավերդցիների 20-25 տարեկան է։

Դեպքի վայր էր ժամանել նաև Լոռու մարզի դատախազ Կարեն Շահբազյանը։

Լուսանկարները և տեսանյութը` Գագիկ Շամշյանի

{gallery}shamshyan/Spanutyun-Alaverdi{/gallery}