Դիզվառելիք տեղափոխող բեռնատարը կողաշրջվել է (ՖՈՏՈ, ՏԵՍԱՆՅՈՒԹ)

Այսօր` հունվարի 13-ին, ավտովթար է տեղի ունեցել Վայոց ձորի մարզում: Ինչպես դեպքի վայրից ԼՈՒՐԵՐ.com–ին հայտնում է ֆոտոլրագրող Գագիկ Շամշյանը՝ ժամը 15.00-ի սահմաններում Երեւան-Երասխ-Մեղրի-Իրան միջպետական ավտոճանապարհի 158/6-րդ կիլոմետրին, «ՄԱՆ» դիզելային վառելիք տեղափոխող բեռնատար մակնիշի 555 ԼԼ 54 համարանիշի ավտոմեքենայի վարորդը Սարալանջ գյուղի հատվածում դուրս է եկել երթեւեկելի գոտուց եւ կողաշրջվել: Բարեբախտաբար զոհեր եւ վիրավորներ չկան: Վթարից հետո բաքերում գտնվող դիզվառելիքային սոլյարկան դատարկում էին այլ բեռնատարի մեջ:

Դեպքի վայր են ժամանել ՃՈ 2-րդ սպայական գումարտակի ոստիկանները:

Բեռնատարը վարել է Սյունիքի մարզի Սիսիան քաղաքի բնակիչ Խաչիկ Ղազարյանը:

Դեպքի վայրում հավաքվածները ֆոտոլրագրողին պատմեցին, որ բեռնատարը պատկանում է «ԳԵՊՈ տանիք» ՍՊԸ-ին, որի սեփականատերն ԱԺ պատգամավոր Հերմինե Նաղդալյանն է:

Լուսանկարները և տեսանյութը` Գագիկ Շամշյանի

{gallery}shamshyan/Gruzavik{/gallery}