Փրկարարները հատուկ ճոպանների միջոցով փնտրում են անդունդը նետվածին (ՖՈՏՈ, ՏԵՍԱՆՅՈՒԹ)

Այսօր՝ հունվարի 16-ին, ժամը 11.30-ի սահմաններում անհայտ քաղաքացին ահազանգ է տվել ՀՀ արտակարգ իրավիճակների նախարարության հակաճգնաժամային կենտրոն և հայտնել, որ Ֆիզիկայի ինստիտուտի ձորից մարդ է իրեն ցած նետել։

Ինչպես դեպքի վայրից ԼՈՒՐԵՐ. com–ին հայտնում է ֆոտոլրագրող Գագիկ Շամշյանը, այս պահին քաղաքի նշված հատված են ժամանել ՀՀ Արտակարգ իրավիճակների նախարարության Հայաստանի փրկարար ծառայության Երևանի փրկարար վարչության աշխատակիցները։

Ժամանել են նաև ոստիկանության Մաշտոցի բաժնի օպերատիվ-քննչական խումբը և 1-03 ծառայության բրիգադը։ Այս պահին փրկարարները հատուկ ճոպանների միջոցով փորձում են իջնել ձոր, քանի որ անդունդ է։

Փրկարարների մի քանի խմբեր կատարում են փնտրողական աշխատանքներ։ Մինչև այս պահը դեռևս ոչ ոք չի հայտնաբերվել։

Քիչ առաջ ֆոտոլրագրողը հայտնեց, որ, ըստ նախնական տեղեկությունների, ահազանգը չի համապատասխանում իրականությանը։

Լուսանկարները և տեսանյութը` Գագիկ Շամշյանի

{gallery}shamshyan/Fizika-dzor{/gallery}