Կրակոցներ «Նիկո» խանութի դիմաց (ՖՈՏՈ, ՏԵՍԱՆՅՈՒԹ)

Այսօր՝ հունվարի 17-ին, կրակոցներ են հնչել Երեւանում: Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, Արաբկիր վարչական շրջանում, Տիգրանյան փողոցում գտնվող «Նիկո» խանութի» մոտ տեղի է ունեցել վիճաբանություն, որի ժամանակ հնչել են կրակոցներ:

Այս պահին դեպքի վայր են ժամանել ոստիկանության Երեւան քաղաքի վարչության մեծ թվով աշխատակիցներ, Երեւանի վարչության պետի օպեր գծով տեղակալ Աշոտ Միրիջանյանի գլխավորությամբ: Ժամանել են նաեւ քննիչներ, փորձագետներ, ինչպես նաև ոստիկանության Արաբկիրի բաժնի օպերատիվ խումբը՝ Արաբկիրի ոստիկանապետ Արթուր Մեհրաբյանի և Քանաքեռ–Զեյթունի ոստիկանության օպերատիվ խումբը Քանաքեռ–Զեյթունի ոստիկանապետ՝ Կարեն Հովհաննիսյանի գլխավորությամբ:

Փորձագետներն ու քննիչները դեպքի վայրում հայտնաբերել են հրազենի 3 տեսակից կրակված պարկուճներ: Գագիկ Շամշյանը հայտնում է , որ ինքը միայն դեպքի վայրում լուսանկարել է 8 կրակված պարկուճ:

Վիճաբանության եւ կրակոցների արդյունքում արդյոք վիրավորներ կա՞ն՝ դեռ պարզ չէ, քանի որ ոստիկանությունը հիվանդանոցային ահազանգեր այս պահին չունի:

Դեպքի վայր են ժամանել նաեւ քրեական հետախուզության գլխավոր վարչության 2-րդ վարչության աշխատակիցները՝ պետ Ալիկ Մարգարյանի գլխավորությամբ: Այս պահին նշված հատվածում երթեւեկությունը ժամանակավորապես դադարեցվել է:

Քիչ առաջ դեպքի վայր ժամանեց նաեւ Երեւանի ոստիկանության պետ, ոստիկանության գեներալ-մայոր Ներսես Նազարյանը:

Կրակոցների արդյունքում վնասվել է «Նիկո» խանութի ապակիները։

Լուսանկարները և տեսանյութը՝ Գագիկ Շամշյանի

{gallery}shamshyan/Niko{/gallery}