Խուլիգանություն կատարելու կասկածանքով ոստիկանություն է տարվել «Նեպտունի» Համիկը (ՖՈՏՈ)

Այսօր` հունվարի 18-ին, վիճաբանություն է տեղի ունեցել Արաբկիր վարչական շրջանում: Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, ժամը 00.30-ի սահմաններում Կոմիտաս 24/2 շենքի մոտ տեղի է ունեցել վիճաբանություն: Նշված շենքի մոտ հավաքվածները ֆոտոլրագրողին պատմեցին. «Նկատեցինք, որ «ԲՄՎ» մակնիշի ավտոմեքենայից մի տղամարդ դուրս եկավ եւ հարձակվեց տաքսու վարորդի վրա, սկսեց խփել ու երկուսով սկսեցին իրար հայհոյել ու ծեծել: Բարեբախտաբար, մոտակայքով անցնում էին ոստիկաններ, եկան բռնեցին, ու երկուսին էլ՝ համ «ԲՄՎ»-ից իջածին, համ տաքսիստին տարան»:

Բնակիչները ֆոտոլրագրողին տեղեկացրել են նաեւ, որ «ԲՄՎ»-ի վարորդը փորձում էր դիմադրել ոստիկաններին: Գ. Շամշյանը նաեւ տեղեկացնում է, որ «ԲՄՎ X6» մակնիշի 08 ՈՕ 888 համարանիշի ավտոմեքենան պատկանում է «Նեպտուն» մարզահամալիրի տիրոջը, որը հայտնի է «Բանգլադեշցի Համո» մականունով: Այս պահին նրա մեքենան գտնվում է ոստիկանության Արաբկիրի բաժնի տուգանային հրապարակում: Փաստի առթիվ ոստիկանության Արաբկիրի բաժնում նյութեր են նախապատրաստվում:

Լուսանկարները՝ Գագիկ Շամշյանի

{gallery}shamshyan/Hamik{/gallery}