Սկսվում է Անժելա Սարգսյանի գործով դատավարությունը

Հունվարի 24-ին Երևանի Կենտրոն, Նորք–Մարաշ վարչական շրջանների ընդհանուր իրավասության դատարանում սկսվելու է դատական նիստ։

Ինչպես ԼՈՒՐԵՐ.com–ին հայտնում է ֆոտոլրագրող Գագիկ Շամշյանը, այդ օրը նշված դատարանի դատավոր Մխիթար Պապոյանի նախագահությամբ սկսվելու է Անժելա Սարգսյանի գործով դատական նիստը։ Նա հանդիսանում է որպես տուժող կողմ, ում էրոտիկ բնույթի լուսանկարները համացանցում էր տեղադրել հանցագործ աշխարհում հայտնի նախկին «օրենքով գող» Շուրիկի տղան՝ Կարեն Արեյանը, ում նկատմամբ քրեական գործ էր հարցուվել ՀՀ Քրեական օրենսգրքի 144 հոդվածի (անձնական կամ ընտանեկան կյանքի մասին տեղեկություններ ապօրինի հավաքելը, պահելը, օգտագործելը կամ տարածելը) և 263 հոդվածի (պոռնոգրաֆիկ նյութեր կամ առարկաներ ապօրինի տարածելը) հատկանիշներով, ում նկատմամբ խափանման միջոց էր ընտրվել կալանքը, ով այժմ էլ գտնվում է «Նուբարաշեն» քրեակատարողական հիմնարկում։