«Lexus»-ով վրաերթի ենթարկած վարորդը 9-ամյա երեխային տեղափոխել է հիվանդանոց

Ոստիկանության քննչական գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի հատկապես կարևոր գործերով ավագ քննիչ Մանվել Մուրադյանի կողմից նյութեր են նախապատրաստվում երեկ՝ դեկտեմբերի 29-ին, Երևանում տեղի ունեցած վրաերթի փաստով:

Ինչպես հայտնում է shamshyan.com–ը, Ժամը 19:00-ի սահմաններում, ԱՄՆ քաղաքացի, ժամանակավորապես Վահագնի թաղամասում բնակվող 58-ամյա Ռիչարդ Դիկրան Բեզջյանը վարելով «Lexus GX 470» մակնիշի 09 ՍՏ 660 համարանիշի ավտոմեքենան, Ջանիբեկյան փողոցում վրաերթի է ենթարկել 9-ամյա Հովիկ Շահբազյանին:

Ֆոտոլրագրողը հայտնում է, որ վրաերթից հետո վարորդը փախուստի չի դիմել, իր ավտոմեքենայով երեխային տեղափոխել է Նաիրի բժշկական կենտրոն: Երեխայի կյանքին ու առողջությանը վտանգ չի սպառնում, իսկ երեխան սովորում է թիվ 166 միջնակարգ դպրոցի 4-րդ դասարանում:

Քննիչի հանձնարարականով ավտոմեքենան տեղափոխվել է ՃՈ հատուկ պահպանման տարածք:

Ֆոտոլրագրողը հայտնում է, որ Ռիչարդ Դիկրան Բեզջյանը աշխատում է «Էներջայս գլոբալ սերվիս» ՍՊԸ-ում՝ որպես տնօրեն: