Լոռու մարզում գյուղապետն ու մեկ այլ գյուղի բնակիչը դարձել են ավտովթարի մասնակից
Գագիկ Շամշյանը հայտնում է
Այսօր՝ դեկտեմբերի 30-ին, ավտովթար է տեղի ունեցել Լոռու մարզում: Ժամը 13:00-ի սահմաններում, Սպիտակ քաղաքի Տեր-Սիմոնյան փողոցի եւ Վանաձոր-Գյումրի ավտոճանապարհի խաչմերուկում բախվել են Լոռու մարզի Նոր Խաչակապ գյուղի 58-ամյա բնակիչ Սուրիկ Տռուզյանի վարած «Opel Vektra» մակնիշի 09 ԼՍ 385 համարանիշի եւ նույն մարզի Գոգարան գյուղի բնակիչ, 28-ամյա Արմեն Պետրոսյանի վարած «Opel Vektra» մակնիշի 05 ԼՍ 326 համարանիշի ավտոմեքենաները:
Ինչպես հայտնում է shamshyan.com–ը, վթարի հետեւանքով Ա. Պետրոսյանի վարած «Opel Vektra»-ի ուղեւոր, 21-ամյա Հմայակ Պետրոսյանը մարմնական վնասվածքներով տեղափոխվել է Սպիտակի բժշկական կենտրոն:
Դեպքի վայր են ժամանել ճանապարհային ոստիկանության 2-րդ սպայական գումարտակի 5-րդ վաշտի աշխատակիցները՝ վաշտի հրամանատար Վարդան Նարգիզյանի գլխավորությամբ:
Փաստի առթիվ ոստիկանության քննչական գլխավոր վարչության Լոռու մարզի քննչական բաժնի Սպիտակի քննչական բաժանմունքի քննիչ Գ. Մինասյանի կողմից նյութեր են նախապատրաստվում: Ֆոտոլրագրողը հայտնում է, որ Ս. Տռուզյանը Նոր Խաչակապի գյուղապետն է:
ՈՒՂԻՂ ԵԹԵՐ
Ամենադիտված 
Ջուր չի լինի երկար ժամանակ․ հասցեներ
