Գեղարքունիքի մարզում բախվել են «Մերսեդեսն» ու «Ինֆինիտին». կան վիրավորներ

Երեկ` հունվարի 4-ին, ավտովթար է տեղի ունեցել Գեղարքունիքի մարզում: Ժամը 22:00-ի սահմաններում Երևան-Սևան-Մարտունի-Գետափ ավտոճանապարհի 64-րդ կմ-ի հատվածում բախվել են Երևան քաղաքի Մանանդյան փողոցի բնակիչ, 42-ամյա Հայկ Գառնիկյանի վարած «Մերսեդես E 230» մակնիշի 16 ՍՕ 644 համարանիշի և Մարտունի քաղաքի բնակիչ, 43-ամյա Հակոբ Մնացականյանի «Ինֆինիտի QX 6» մակնիշի 61 ID 111 համարանիշի ավտոմեքենաները:

Ինչպես shamshyan.com-ին հայտնում է ֆոտոլրագրող Գագիկ Շամշյանը, վթարի հետևանքով «Մերսեդեսի» վարորդ Հ. Գառնիկայնը և ուղևորներ' Երևան քաղաքի Մանանդյան փողոցի բնակիչ 17-ամյա Կառլեն Գառնիկյանը և Երևան քաղաքի Նոր-Նորքի 7-րդ զանգվածի բնակիչ 50-ամյա Գևորգ Գառնիկյանը մարմնական վնասվածքներով տեղափոխվել են Մարտունու բժշկական կենտրոն: Վթարի վայր են ժամանել Ճանապարհային ոստիկանության 2-րդ սպայական գումարտակի 4-րդ վաշտի 1-ին դասակի աշխատակիցները' վաշտի հրամանատար Սերգեյ Հակոբյանի գլխավորությամբ:

Փաստի առթիվ Ոստիկանության քննչական գլխավոր վարչության Գեղարքունիքի մարզի քննչական բաժնի Մարտունու քննչական բաժանմունքում նյութեր են նախապատրաստում:

Ֆոտոլրագրողը հայտնում է, որ վիրավորներից Կ. Գառնիկյանը սովորում է Երևանի թիվ 46 դպրոցի 12-րդ դասարանում: