Ավտոմեքենան դուրս է եկել ճանապարհի երթևեկելի գոտուց և գլխիվայր հայտնվել ձորակում հոսող գետի մեջ (ՖՈՏՈ, ՏԵՍԱՆՅՈՒԹ)

Այսօր՝ հունվարի 22-ին, ավտովթար է տեղի ունեցել Գեղարքունիքի մարզում։

Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, ժամը 06.30-ից 07.00-ի սահմաններում, Երևան քաղաքի Վիկտոր Համբարձումյան 12 շենքի բնակիչ, 50-ամյա Հրանտ Պետրոսյանը, վարելով «ՎԱԶ 2121» մակնիշի 22 ՕՕ 074 համարանիշի ավտոմեքենան, Երևան–Իջևան ավտոճանապարհի 79/2 կմ հատվածում դուրս է եկել հանդիպակաց գոտի, բախվել ճանապարհի երկաթե արգելապատնեշներին և մոտ 15 մետր շրջվելով՝ հայտնվել ճանապարհի հարակից ձորակում հոսող գետի մեջ։

Ավտոմեքենան գլխիվայր շրջվել էր։ Բարեբախտաբար, զոհեր և վիրավորներ չկան։

Դեպքի վայր են ժամանել ճանապարհային ոստիկանության 2-րդ սպայական գումարտակի 4-րդ վաշտի աշխատակիցները՝ հրամանատար Սերգեյ Հակոբյանի գլխավորությամբ։ Ժամանել է նաև ՃՈ 2-րդ սպայական գումարտակի 5-րդ վաշտի հետաքննիչ Ներսիկ Գրիգորյանը։ Ավտոմեքենան դուրս բերելու համար դեպքի վայր է բերվել վերամբարձ կռունկ և քարշակ ավտոմեքենա։

Լուսանկարները և տեսանյութը` Գագիկ Շամշյանի

{gallery}shamshyan/Niva-dzor-2{/gallery}