Ոստիկանությունը պետք է պարզի՝ եղևնին օրինական է հատված, թե՝ ոչ (ՖՈՏՈ)

Այսօր՝ հունվարի 22-ին՝ ժամը 22.00-ի սահմաններում, ֆոտոլրագրող Գագիկ Շամշյանը լուսանկարել է Հրազդանից դեպի Երևան ընթացող մի բեռնատար ավտոմեքենա, որում բարձված էր հսկայական՝ մոտ 15 մետր երկարությամբ, արմատախիլ արված եղևնի։

Ֆոտոլրագրող Գագիկ Շամշյանը հայտնում է ԼՈՒՐԵՐ.com-ին, որ եղևնի տեղափոխողները փորձում էին համոզել իրեն, որպեսզի չլուսանկարի այդ։ Սակայն, տեսնելով, որ չեն կարողանում համոզել՝ փորձեցին ավտոմեքենայի համարանիշները փակել։

Այդ ժամանակ նշված հատվածով անցնում էր ճանապարհային ոստիկանության ծառայողական ավտոմեքենան։ Արդեն ՃՈ աշխատակիցները սկսեցին պարզել, թե ո՞վ և որտեղի՞ց են տեղափոխում եղևնին։ Նրանց պատճառաբանում էին, թե ամեն ինչ օրինական է, սակայն այդ պահին ոչ մի փաստաթուղթ չկարողացան ներկայացնել։

Կատարվածի մասին տեղեկացվեց ոստիկանության Կոտայքի մարզային վարչության պետ Արմեն Վացյանին, ում հանձնարարականով եղևնին պետք է տեղափոխվի ոստիկանության Հրազդանի բաժին, որտեղ էլ հետաքննություն է կատարվելու՝ պարզելու համար եղևնին օրինական է տեղափոխվում, թե՝ ոչ։

Լուսանկարները` Գագիկ Շամշյանի

{gallery}shamshyan/22-hunvar-egevni{/gallery}