Մեղադրող կողմը չկարողացավ պատասխանել Տիգրան Առաքելյանի հարցին (ՖՈՏՈ)

Այսօր՝ հունվարի 24-ին, Կենտրոն և Նորք Մարաշ ընդհանուր իրավասության դատարանում մեկնարկեց ՀԱԿ երիտասարդ ակտիվիստների գործով հերթական դատական նիստը, որի ընթացքում ամբաստանյալ Տիգրան Առաքելյանն իր հարցերն ուղղեց «տուժած» կողմին։ Տեսագրության մեջ ներկայացված է «տուժած» կողմի ոստիկանի պատասխանն ամբաստանյալներից Տիգրան Առաքելյանի այն հարցին, թե ինչ էր անում մեղադրող կողմի ներկայացուցիչը մինչև իրենց՝ մեղադրվողների՝ իբր թե նրանց քաշքշելը։ «Մինչև մեր հարվածելը, դուք ի՞նչ գործողություն էիք կատարում, որ ես խոչնդոտեցի ձեր կողմից օրինական հասարակական կարգի պաշտպանությանը», – տուժածին հարցրեց Տիգրան Առաքելյանը, ինչին մեղադրող կողմը չկարողացավ պատասխանել։ 

Դատական նիստն այժմ ընթացքի մեջ է։ Այժմ հարցաքննվում են գործով անցնող վկաները և «տուժած» մյուս ոստիկանները։ Նիստի ավարտին կայքը Ձեզ կտեղեկացնի նաև դրա արդյունքներին։

Հիշեցնենք, որ կիրակի օրը՝ հունվարի 22-ին, միջազգային իրավապաշտպան "Human Rights Watch" կազմակերպության հրապարակած հերթական տարեկան զեկույցում անդրադարձ էր կատարվել նաև Հայ Ազգային կոնգրեսի երիտասարդ ներկայացուցիչների օգոստոսյան ձերբակալությանը։ «Ոստիկանությունը ծեծի ենթարկեց եւ ձերբակալեց ՀԱԿ մի քանի ակտիվիստների, յոթին մեղադրանք առաջադրվեց խուլիգանության ու իշխանության ներկայացուցչի նկատմամբ բռնություն գործադրելու համար։ Ու թեեւ բժիշկները նրանց մոտ վնասվածքներ էին հայտնաբերել, այդուամենյանիվ, որեւէ քննություն չիրականացվեց ոստիկանության գործողությունների շուրջ», - արձանագրում է իրավապաշտպան կազմակերպությունը, հաղորդել է «Ազատություն» ռադիոկայանը։

Լուսանկարները՝ Գագիկ Շամշյանի

{gallery}shamshyan/Tigran-Araqelyan{/gallery}