Մերկասառույցի պատճաոով մի քանի ավտոմեքենաներ բախվել են իրար

Այսօր` հունվարի 26-ին, ավտովթար  է տեղի ունեցել Վայոց ձորի մարզում:

Ինչպես ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, ժամը 21.00-ի սահմաններում Երևան-Մեղրի ավտոճանապարհի 159-րդ կմ-ի հատվածում դեպի Երևան ընթանալիս Սարավան գյուղի ճանապարհին իրար են բախվել Սիսիան քաղաքի բնակիչ 35-ամյաԱշոտ Մարգարյանի վարած «Օպել վեկտրա» մակնիշի 30 ՕՏ 984 համարանիշի, Արմավիրի մարզի բնակիչ 49-ամյաՎարդան Ադոնցի վարած «Աուդի 80» մակնիշի 01 ՏՏ 543 համարանիշի և Սիսիանի բնակիչ 29-ամյաԳարիկ Պողոսյանի վարած «Ֆոլցվագեն Վենտո» մակնիշի 26 ՕՕ 811 համարանիշի ավտոմեքենաները:

Բարեբախտաբար, զոհեր և վիրավորներ չկան: Վթարի վայր են ժամանել ճանապարհային ոստիկանության 2-րդ սպայական գումարտակի 6-րդ վաշտի աշխատակիցները` հրամանատարի տեղակալ Գեղամ Մարգարյանի գլխավորությամբ: Ժամանել է նաև ՃՈ հետաքննիչ Ֆյոդոր Ավագյանը: Ավտոմեքենաները տեղափոխվում են ոստիկանության Վայքի բաժնի տուգանային հրապարակ:

Ֆոտոլրագրողը հայտնում է նաև, որ նշված վթարի վայրից մոտ 150 մ ներքև ճանապարհի երթևեկելի մասից դուրս էր եկել և կողաշրջվել Իրանի քաղաքացի 31-ամյաԱլի Համիդի Ալյադի կողմից վարած «Հինո» բեռնատար մակնիշի 54A-485-10 համարանիշի բեռնատարը:

 Այս դեպքում էլ բարեբախտաբար զոհեր և վիրավորներ չկան: Նշված հատվածում ճանապարհի մերկասառույցի պատճառով ճանապարհային ոստիկանության աշխատակիցները հսկողություն են իրականացնում որպեսզի վթարներ չլինեն: