«Համեր»-ից վայր ընկած ուղևորը հիվանդանոցում մահացել է (ՖՈՏՈ)

ՀՀ ոստիկանության քննչական գլխավոր վարչության Կոտայքի մարզի քննչական բաժնի ոստիկանության Կոտայքի քննչական բաժանմունքում հարուցվել է քրեական գործ ՀՀ Քրօր-ի 242 հոդվածի 2-րդ մասի (ճանապարհային երթևեկության և տրանսպորտային միջոցների շահագործման կանոնները խախտելը, որն անզգուշությամբ առաջացրել է մարդու մահ) հատկանիշներով:

Ինչպես ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, այսօր` հունվարի 27-ին, ժամը 00.15-ի սահմաններում, Երևանի Անդրֆեդերացիայի 2-րդ փողոցի բնակիչ 22-ամյա Ալվինա Հարությունյանը, Երևան-Սևան ավտոճանապարհի 3-րդ կմ-ին` «Ագուլիս» հայկական խոհանոցի դիմաց, վարելով «Համեր H-2» մակնիշի 18 ՍՕ 524 համարանիշի ավտոմեքենան, ընթացքի ժամանակ ավտոմեքենայում գտնվող ուղևոր Կոտայքի մարզի Բալահովիտ գյուղի բնակիչ 22-ամյա Նարեկ Զարգարյանը վայր է ընկել «Համեր H-2» մակնիշի ավտոմեքենայի ոտնակի վրայից:

Ընկնելու հետևանքով Ն. Զարգարյանը ստացել է մարմնական վնասվածքներ և տեղափոխվել հիվանդանոց, սակայն գիտակցության չգալով` մահացել է: Ավտոմեքենան տեղափոխվել է ոստիկանության Կոտայքի բաժնի տուգանային հրապարակ:

Լուսանկարները` Գագիկ Շամշյանի:

{gallery}shamshyan/Hammer-27{/gallery}