«Օպել»-ը, 30 մետր շրջվելով, հայտնվել է ձորում. վարորդը մահացել է (ՖՈՏՈ)

Այսօր՝ հունվարի 28-ին, ավտովթար է տեղի ունեցել Արագածոտնի մարզում։

Ինչպես դեպքի վայրից ԼՈՒՐԵՐ.com–ին հայտնում է ֆոտոլրագրող Գագիկ Շամշյանը, ժամը 13.30-ի սահմաններում, Երևան–Գյումրի ավտոճանապարհի 50-րդ կմ–ի հատվածում՝ Առուճ գյուղի ճանապարհին, Գյումրու բնակիչ Ռաֆիկ Պետրոսյանը, վարելով «Օպել վեկտրա» մակնիշի 18 ՍԼ 590 համարանիշի ավտոմեքենան, դեպի Երևան ընթանալիս դուրս է եկել ճանապարհի երթևեկելի գոտուց և մոտ 30 մետր գլորվելով՝ հայտնվել դաշտում։

Վթարի հետևանքով վարորդը տեղում մահացել է։ Ավտոմեքենայում են եղել նաև մահացածի թոռն ու փեսան։ Դեպքի վայր են ժամանել ճանապարհային ոստիկանության 2-րդ սպայական գումարտակի 2-րդ վաշտի 1-ին դասակի աշխատակիցները՝ հրամանատար Նիկողայոս Եղիազարյանի գլխավորությամբ։

Դեպքի վայր են ժամանել ոստիկանության քննչական գլխավոր վարչության Արագածոտնի մարզի քննչական բաժնի քննիչները՝ քննիչ Արամ Խալաթյանի գլխավորությամբ։

Փաստի առթիվ Արագածոտնի մարզի քննչական բաժնում նյութեր են նախապատրաստվում։ Դեպքի վայր է ժամանել արդեն Աշտարակի բժշկական կենտրոնի անձնակազմը։

Լուսանկարները` Գագիկ Շամշյանի:

{gallery}shamshyan/28-01-Opel{/gallery}