«Նիսսանը» բախվել է էլեկտրասյանը (ֆոտո, տեսանյութ)

Այսօր՝ հոկտեմբերի 22-ին, ավտովթար է տեղի ունեցել Երևանում:

Ինչպես ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, ժամը 00:50-ի սահմաններում 31-ամյա Դավիթ Վարդանյանը, վարելով «Նիսսան Ալթիմա» մակնիշի 17 DV 777 համարանիշի ավտոմեքենան, ընդհարվել է Սարալանջի նոր ճանապարհի թիվ 91 էլեկտրասյանը և ցանկապատին, ինչի հետևանքով ցանկապատի և ավտոմեքենայի ջարդված բեկորները թափվել են հանդիպակաց ուղղությամբ ընթացող, 28-ամյա Էդգար Գնունու վարած «Ֆոլցվագեն Գոլֆ» մակնիշի 24 ԼՏ 799 համարանիշի ավտոմեքենայի վրա, որի հետևանքով Դավիթ Վարդանյանը՝ «Նիսսան Ալթիմա»-ի վարորդը, մարմնական վնասվածքներով տեղափոխվել է «Արմենիա» բժշկական կենտրոն:

Փաստի առթիվ ոստիկանության քննչական գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի քննիչ Արթուր Գասոյանի նյութեր են նախապատրաստվում:

Քննիչի հանձնարարականով, մեքենաները տեղափոխվել են Երևանի ՃՈ տուգանային հրապարակ:

Լուսանկարները և տեսանյութը՝ Գագիկ Շամշյանի