Սահակ-Պարթևը տեղափոխվել է հիվանդանոց

Երեկ՝ հոկտեմբերի 21-ին, ավտովթար է տեղի ունեցել Շիրակի մարզում:

Ինչպես ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, հոկտեմբերի 21-ին՝ ժամը 18:30-ի սահմաններում, Արթիկ-Պեմզաշեն ճանապարհի 3-րդ կմ-ին իրար են բախվել «ՎԱԶ 2121»՝ «Նիվա» մակնիշի և 12 ՏՕ 100 համրանիշի և «ԳԱԶ 24» մակնիշի 14 ԼՕ 380 համարանիշի ավտոմեքենաները:

Դեպքի վայր ժամանած ոստիկանության Արթիկի բաժնի օպերատիվ խումբն ու Ճանապարհային ոստիկանության 2-րդ սպայական գումարտակի ոստիկանները պարզել են, որ «ՎԱԶ 2121»՝ «Նիվա» մակնիշի մեքենան վարել է 1951 թվականին ծնված Սահակ-Պարթև Սենիկի Ափոյանը, ով աշխատում է Պեմզաշենում գտնվող «Ափոյան Սահակ» ՍՊԸ-ի տնօրեն, իսկ «ԳԱԶ 24»-ը վարել է 1969 թվականին ծնված, Շիրակի Հառիճ գյուղի բնակիչ Արթուր Դավթյանը:

Վթարի հետևանքով 2 վարորդներն ու «ԳԱԶ 24»-ի ուղևոր՝1996 թվականին ծնված, Հառիճ գյուղի բնակիչ Արման Դավթյանը, ով սովորում է Հառիճի դպրոցի 9-րդ դասասրանում, մարմնական վնասվածքներով տեղափոխվել են Արթիկի բժշկական կենտրոն:

Փաստի առթիվ ոստիկանության գլխավոր վարչության Արթիկի քննչական բաժանմունքում նյութեր են նախապատրաստում:

2 ավտոմեքենաները տեղափոխվել են ոստիկանության Արթիկի բաժնի տուգանային հրապարակ: