Ավտովթար` Շիրակի մարզում. 19-ամյա տղան զոհվել է (Ֆոտո, վիդեո)

Այսօր՝ հոկտեմբերի 23-ին, ավտովթար է տեղի ունեցել Շիրակի մարզում:

Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, առավոտյան շամը 06.00-ին Երևան-Բավրա ավտոճանապարհի 135-րդ կմ-ին «Մերսեդես» մակնիշի 29 ՕՕ 754 համարանիշի ավտոմքենան դուրս է եկել ճանապարհի երթևեկելի մասից և մոտ 5-7 մետր գլորվել ձորը:

Դեպքի վայր են ժամանել Ճանապարհային ոստիկանության 2-րդ սպայական գումարտակի և ոստիկանության Շիրակի մարզային վարչության աշխատակիցները:

Վթարի վայրում պարզվել է, որ 1 հոգի մահացել է, 1 հոգի՝ մարմնական վնասվածքներով տեղափոխվել Գյումրիի Գյուլբենկյանի անվան վիրաբուժական կենտրոն:

Ֆոտոլրագրող Գագիկ Շամշյանը հայտնեց, որ մահացածը 19-ամյա Բենիամին Սարգսյանն է:

Ոստիկանության քննչական գլխավոր վարչության Շիրակի մարզային քննչական վարչության քննիչը ձեռնարկում է միջոցառումներ՝ պարզելու վիրավորի ինքնությունը:

Ավտոմեքենան քարշակի օգնությամբ տեղափոխվում է ոստիկանության տուգանային հրապարակ:

Լուսանկարները` Գագիկ Շամշյանի