«Մերսեդես»–ը գլորվել է ձորը. կա երկու վիրավոր (ՖՈՏՈ, ՏԵՍԱՆՅՈՒԹ)

Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, հոկտեմբերի 24-ին՝ ժամը 17:00-ի սահմաններում, Երևանի բնակիչ, 26-ամյա Բագրատ Կարապետյանը, վարելով «Մերսեդես» մակնիշի 20 ՍԼ 637 համարանիշի ավտոմեքենան, Ապարան-Երևան 7-րդ կիլոմետրին դուրս է եկել երթևեկելի մասից, բախվել բետոնե արգելապատնեշներին և մոտ 30-40 մետր գլորվել ձորը:

Վթարի վայրից նրան և ուղևոր, Երևանի բնակիչ 24-ամյա Վահրամ Կարապետյանը մարմնական վնասվածքներով տեղափոխվել են Ապարանի հիվանդանոց:

Դեպքի վայր են ժամանել Ճանապարհային ոստիկանության 2-րդ սպայական գումարտակի, 2-րդ վաշտի, 1-ին դասակի աշխատակիցները՝ Էդգար Հովհաննիսյանի և Կարապետ Հովհաննիսյանի գլխավորությամբ:

Այս պահին ավտոմեքենան դուրս է բերվում ձորից և քարշակի միջոցով տեղափոխվում է ոստիկանության Ապարանի բաժնի տուգանային հրապարակ:

Փաստի առթիվ ոստիկանության քննչական գլխավոր վարչության, Ապարանի քննչական բաժանմունքում նյութեր են նախապատրաստվում:

Դեպքի վայրում հավաքվածները ֆոտոլրագրող Գագիկ Շամշյանին հայտնել են, որ վթարի ենթարկվածները եղբայրներ են:

Լուսանկարները և տեսանյութը՝ Գագիկ Շամշյանի