Մեքենան այրվել է. կա մեկ զոհ (ԼՐԱՑՎԱԾ՝ ՖՈՏՈ, ՏԵՍԱՆՅՈՒԹ)

Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը, քիչ առաջ «Մերսեդես» մակնիշի 22 ՕՕ 735 ավտոմեքենան Հնաբերդ գյուղի ճանապարհին բախվել է բեռնատարին:

Բախման հետևանքով «Մերսեդես»-ում հրդեհ է բռնկվել:

Այս պահին դեպքի վայր են ժամանել Արտակարգ իրավիճակների նախաարարության Հայաստանի փրկարար ծառայության Արագածի հրշեջ-փրկարարական ջոկատի անձնակազմը` հրամանատար Արման Կարապետյանի գլխավորությամբ, իսկ փրկարարական աշխատանքները համակարգում է Հայաստանի փրկարար ծառայության օպերատիվ վարչության պետ Արման Ցոլակյանը:

Դեպքի վայր են ժամանել նաև Ճանապարհային ոստիկանության 2-րդ սպայական գումարտակի մեծ թվով աշխատակիցներ, որոնց աշխատանքը ղեկավարում է 2-րդ սպայական գումարտակի հրամանատար Արսեն Արշակյանը:

Դեպքի վայր են ժամանել նաև Արագածոտնի մարզի ոստիկանության աշխատակիցները:

Ավտովթարի վայրում են գտնվում շտապօգնության մի քանի ավտոմեքենա:

Ֆոտոլրագրող Գագիկ Շամշյանը հայտնում է, որ «Մերսեդես»-ի վարորդը մահացել է, իսկ ուղևորը` տեղափոխվել հիվանդանոց:

Քիչ առաջ ֆոտոլրագրողը դեպքի վայրից հայտնեց, որ ոստիկանության օպերատիվ-քննչական խումբը պարզել է «Մերսեդես»-ի վարորդի ինքնությունը. Արագածոտնի մարզի Արագածի տարածաշրջանի Նորաշեն գյուղի բնակիչ, 43-ամյա Արամ Զաքարյանն է, իսկ վիրավորը 44-ամյա Մերուժան Հովհաննիսյանն է:

Այս պահին ոստիկանության քննչական գլխավոր վարչության Արագածոտնի մարզի քննչական բաժնի քննիչ Մելիք Սարգսյանի հանձնարարականով, ավտոմեքենաները տեղափոխվում են ոստիկանության Արագածոտնի բաժնի տուգանային հրապարակ:

Լուսանկարները` Գագիկ Շամշյանի