«Ստեղծվել է «պուտանային» իրավիճակ…»
Բլոգոսֆերա
Երևանի նախկին փոխոստիկանապետ Ռոբերտ Մելքոնյանն իր ֆեյսբուքյան էջում գրել է.
«Մարդկության ողջ պատմության ընթացքում բոլոր տաղանդավոր, հանրահայտ, գեղեցիկ, հիասքանչ ստեղծագործությունները, գործերը, գյուտերն արարվել են, ստեղծվել են գրեթե հիմնականում անշահախնդիր, հաճախ հեղինակների զրկանքների, աղքատության, սովի պայմաններում:
Մեզանում, ներկայումս ինչո՞ւ է հիմա այսպես դժգույն, անշնորք, շնորհազուրկ, անշուք, սովորական, անհետաքրքիր, կաղապարված՝ գրեթե ամենուր, բոլոր բնագավառներում…
Որովհետև այսօր շահը, օգուտը, փողն են ամենուրեք և ամենակարևորը, գերխնդիրը՝ նույնիսկ մարդկային ամենասուրբ և նուրբ հարաբերություններում: Նա է թելադրում ամեն ինչ, և գերիշխում են շուկայական, մերկանտելիստական հարաբերություններն ամենուր…
Մի խոսքով՝ ստեղծվել է «պուտանային» իրավիճակ…
Փող տուր, շատ տուր, օգուտ ունեմ, ինչ ուզում ես, արա, ինչպես ուզում ես, միայն շահ լինի, որքան շատ, այնքան լավ…
Այ այսպես էլ ապրում ենք, կներեք, գոյություններս քարշ տալիս՝ խիստ առօրեական, պարզունակ, ձևական, նյութականացված, գռեհկացված, շատ-շատերի մոտ էլ գրեթե անասնական… Եվ մոռանում ենք, որ «պուտանային» իրավիճակի վերջը պատային իրավիճակն է…»:
ՈՒՂԻՂ ԵԹԵՐ
Ամենադիտված 
Մահացել է բժիշկ Տիգրան Վարդանյանը
