Հրդեհ Երևանի «Փոսի Գայի»-ում. Բարեբախտաբար կրակը ժամանակին մարվել է (ՖՈՏՈ)

Այսօր՝ դեկտեմբերի 14-ին, հրդեհի ահազանգ է ստացվել Արտակարգ իրավիճակների նախարարության ճգնաժամային կենտրոն այն մասին, որ հրդեհի վտանգ կա Երևանի Թաիրովի 14 հասցեում:

Ինչպես դեպքի վայրից ԼՈՒՐԵՐ.com–ին հայտնում է ֆոտոլրագրող Գագիկ Շամշյանը, Թաիրով 14 հասցեում է գտնվում Ճանապարհային ոստիկանության առաջին և երկրորդ սպայական գումարտակները, այսպես ասած Երևանի «Փոսի գայի»–ն: Կարճ ժամանակում արդեն դեպքի վայր են ժամանել Արտակարգ իրավիճակների նախարարության Հայաստանի փրկարար ծառայության հրշեջները՝ չորս մարտական հաշվարկով: Բարեբախտաբար հրդեհը կարճ ժամանակում հրշեջների կողմից մարվել է և հրդեհի տարածումը կանխվել: Պարզվել է, որ հրդեհի պատճառը եղել է երկրորդ հարկում տեղադրված էլեկտրական վահանակը: Ժամանել են նաև ՀՀ ճանապարհային ոստիկանության պետ Արսեն Գալստյանը, երկրորդ սպայական գումարտակի պետ Արսեն Արշակյանը, առաջին սպայական գումարտակի պետ Եղիշ Ենգիբարյանը և փրկարար ծառայության օպերատիվ վարչության պետ Արման Ցոլակյանը:

Լուսանկարները՝ Գագիկ Շամշյանի

{gallery}shamshyan/Hrdeh-2{/gallery}