Ավտովթար «Մայամի»-ի դիմաց. ոստիկանությունը փնտրում է «Վիլիս»-ի վարորդին (ՖՈՏՈ)

Այսօր՝ դեկտեմբերի 18-ին, Երևանում տեղի է ունեցել ավտովթար: Ինչպես ԼՈՒՐԵՐ.com –ին դեպքի վայրից հայտնում է ֆոտոլրագրող Գագիկ Շամշյանը, ժամը 20:30 սահմաններում Բագրատունյաց պաղատայում՝ «Մայամի» ռեստորանային համալիրի դիմաց, իրար են բախվել Opel մակնիշի 21 ՍՕ 232 համարանիշի և Վիլիս մակնիշի 68 ԼԼ 918 համարանիշի ավտոմեքենաները:

Մինչ դեպքի վայր կժամանեին Երևանի ճանապարհային ոստիկանության աշխատանկիցներն ու ճանապարհային ոստիկանության հետաքննիչը, Վիլիսի վարորդը ավտոմեքենան հեռացրել և թաքցրել էր դեպքի վայրից: Այնուամենայնիվ, ՃՈ աշխատակիցները հայտնաբերեցին Վիլիսը, և արդեն վթարի վայր էր ժամանել ճանապարհային ոստիկանության հետաքննիչը:

Թեպետ դեպքի վայր էին ժամանել նաև 1-03 ծառայության և ՀՀ Արտակարգ իրավիճակների նախարարության Հայաստանի փրկարար ծառայության փրկարարները, սակայն նրանց անհրաժեշտությունը պետք չեկավ: Այս պահին վթարի վայրում միայն Opel-ի վարորդն է: Ոստիկանությունը ձեռնարկում է անհրաժեշտ միջոցառումներ՝ հայտնաբերելու Վիլիսի վարորդին:

{gallery}shamshyan/miami{/gallery}