Երիտասարդը, ով 2-րդ անգամ ուզում էր իրեն ցած նետել կամուրջից, փրկվեց (Ֆոտո)

Այսօր՝ հունվարի 7-ին, Երևանում կանխվել է հերթական ինքնասպանությունը:

Ինչպես դեպքի վայրից ԼՈՒՐԵՐ.com-ին հայտնում է ֆոտոլրագրող Գագիկ Շամշյանը՝ ժամը 21:00- ի սահմաններում Արտակարգ իրավիճակների նախարարության Հայաստանի փրկարար ծառայության օպերատիվ կառավարման կենտրոն ահազանգ է ստացվել, որ մի երիտասարդ ցանկանում է ինքնասպանության նպատակով իրան ցած նետել Դավիթաշեն կամուրջից:

Դեպքի վայր ժամանանած Արտակարգ իրավիճակների նախարարության Հայաստանի փրկարար ծառայության փրկրարաներին`քաղաքացիների հետ հաջողվել է համոզել երիտասարդին, և կանխվել է նրա ինքնասպանությունը:

Քիչ առաջ երիտասարդին փրկարաները հանձնեցին դեպքի վայր ժամանած ոստիկանության Մաշտոցի բաժնի աշխատակիցներին, ովքեր նրան տեղափոխեցին ոստիկանություն:

Ֆոտոլրագրողը հայտնում է, որ երիտասարդը Ավան վարչական շրջանի Դուրյան թաղամասի բնակիչ 30-ամյա Անդրանիկ Եղիազարյանն է, ով ամուսնացած է, ունի 1 երեխա: Դեպքի վայում հավաքվածները պատմել են, որ նա փրկարաներին բողոքում էր, որ ամուսնալուծված է, սակայն կինը իրեն թույլ չի տալիս տեսակցել իր աղջկան, ինչի համար էլ ինքը ցանկացել է ինքնասպան լինել:

ֆոտոլրագրողը հայտնում է, որ սա Անդրանիկ Եղիազարյանի կողմից ինքնասպանություն կատարելու 2-րդ դեպքն է: Անցյալ տարվա նոյեմբերիի 7-ին նա ցանկանում էր իրեն ցած նետել Կիևյան կամուրջից, և այդ անգամ նրան փրկել էին քաղաքացիներն ու ոստիկանության Մաշտոցի բաժնի աշխատակիցները: Փաստի առթիվ ոստիկանության Մաշտոցի բաժնում նյութեր են նախապատրաստվում: 

Լուսանկարները` Գագիկ Շամշյանի

{gallery}shamshyan/suicid-07-01-12{/gallery}