Եղվարդի խճուղում BMW-ները գրկախառնվել էին. կան վիրավորներ (ՖՈՏՈ, ՏԵՍԱՆՅՈՒԹ)

Այսօր հունվարի՝ 8-ին, ավտովթար է տեղի ունեցել Երևանում: Ինչպես դեպքի վայրից  ԼՈՒՐԵՐ.com-ին հայտնում է ֆոտոլրագրող Գագիկ Շամշյանը՝ ժամը 15:30-ի սահմաններում Երևանից Եղվարդի խճուղու թիվ 77 էլեկտրական սյան դիմաց 25-ամյա Սևակ Հակոբյանը, վարելով BMW 318 մակնիշի 17 ՍԼ 664 համարանիշի ավտոմեքենա, բախվել է 38-ամյա Նաիրի Ադամյանի վարած BMW X5 մակնիշի 900 ՍՍ 03 համարանիշի ավտոմեքենային:

Բախման հետևանքով՝ BMW-ն  կողաշրջվել է: Վթարի հետևանքով դեպքի վայր ժամանած շտապօգնության  մեքենան Արմենիա բժշկական կենտրոն է տեղափոխել Նարիրի Ադամյանին և BMW 318-ի ուղևոր 26-ամյա Արտակ Հարությունյանին:

Դեպքի վայր են ժամանել Երևանի ՃՈ աշխատակիցները, իսկ քննչական աշխատանքները ղեկավարում էր ոստիկանության քննչական գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի քննիչ Արմեն Ճանճապանյանը: Նրա հանձնարարականով՝ մեքենաները տեղափոխվել են Երևանի ՃՈ տուգանային հրապարակ:

Փաստի առթիվ՝ ՃՏՀ քննության բաժնում նյութեր են նախապատրաստվում: 

Լուսանկարները և տեսանյութը` Գագիկ Շամշյանի

{gallery}shamshyan/bmw-080112{/gallery}