BMW-ն բախվել է պատին. կա 4 վիրավոր
Գագիկ Շամշյանը հայտնում է
Այսօր՝ հունվարի 10-ին, ավտոպատահար է տեղի ունեցել Վայոց Ձորի մարզում:
Ինչպես ԼՈՒՐԵՐ.com-ին հայտնում է ֆոտոլրագրող Գագիկ Շամշյանը՝ ժամը 18:30-ի սահմաններում Եղեգնաձորի Իսակով 20 տան բնակիչ, պայմանագրային զինծառայող 20-ամյա Արսեն Վարդանյանը, վարելով BMW 318 մակնիշի 27 ՕՍ 233 համարանիշի ավտոմեքենան, Եղեգնաձորից դեպի Գլաձոր գյուղ տանող ճանապարհի 3-րդ կմ-ին դուրս է եկել երթևեկելի գոտուց և բախվել պատին:
Վթարի հետևանքով՝ Ա.Վարդանյանն ու ուղևորներ Վայոց Ձորի մարզի Գլաձոր գյուղի բնակիչներ՝ 22-ամյա Վահե Սարգսյանը, 22-ամյա Սմբատ Գալստյանը և 24-ամյա Անահիտ Ստեփանյանը, մարմնական վնասվածքներով տեղափոխվել են Եղեգնաձորի բժշկական կենտրոն: Դեպքի վայր են ժամանել ճանապարհային ոստիկանության 2-րդ սպայական գումարտակի 6-րդ վաշտի 1-ին դասակի աշխատակիցները՝ հրամանատար Արամ Գալստյանի և վաշտի հրամանատարի տեղակալ Գեղամ Մարգարյանի գլխավությամբ:
Դեպքի վայրում քննչական աշխատանքները ղեկավարում էր ոստիկանության քննչական գլխավոր վարչության Վայոց Ձորի քննչական բաժնի քննիչ Սամվել Սարգսյանը: Նրա հանձնարարականով ավտոմեքենան տեղափոխվեց ոստիկանության Եղեգնաձորի բաժնի տուգանային հրապարակ:
Փաստի առթիվ նյութեր են նախապատրաստվում:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
